जेरुसेलम, माघ १६ गते । इजरायली सेनाले दक्षिणी गाजा सहर रफाहमा “आठ जना आतङ्ककारीमाथि रातारात आक्रमण गरेको उल्लेख गर्दै ती मध्ये तीन जनाको मृत्यु भएको शुक्रबार जनाएको छ । सेनाले विज्ञप्तिमा जारी गर्दै भूमिगत अवस्थाबाट निस्किएका “आठ जना आतङ्ककारी”को पहिचान गरी वायु सेनाले तीन जना आतङ्ककारीको हत्या गरेको बताएको छ ।
थप आक्रमण सुरु गरिएको जनाउँदै सेनाले सबै आतङ्ककारीलाई पत्ता लगाइ नष्ट गर्न सैनिकले यस क्षेत्रमा खोजी कार्य जारी राखेको विज्ञप्तिमा भनिएको छ । रफाह इजिप्ट पार गर्ने स्थान हो, जुन गाजा पट्टी र बाहिरी संसारबिचको एक मात्र बाटो हो जसमा इजरायलमा सहायताको लागि महत्त्वपूर्ण स्थानको रूपमा लिइन्छ ।
सन् १०२३ अक्टोबर को आक्रमणबाट सुरु भएको इजरायल र हमासबिचको लडाइँ रोक्न भएको अमेरिकी योजनाको युद्धविराम दुवै पक्षले एक-अर्कालाई बारम्बार उल्लङ्घन गरेको आरोप लगाए पनि तीन महिना भन्दा बढी समयदेखि चलिरहेको छ । यस अघि जनवरीमा वासिङ्टनले युद्धविराम दोस्रो चरणमा पुगेको घोषणा गरेको थियो, जसको उद्देश्य युद्धको निश्चित अन्त्य गर्नु थियो । इजरायली सेनाले आफ्नो सेना “युद्धविराम सम्झौता अनुसार तैनाथ रहेको र कुनै पनि तत्काल खतरा हटाउन सञ्चालन जारी राख्ने बताएको छ । रासस/एएफपी
