काठमाडौँ, मङ्सिर १४ गते । नेपाल प्रिमियर लिग (एनपिएल) मा जितका लागि कर्णाली याक्सले काठमाण्डु गोर्खाजलाई एक सय ५० रनको लक्ष्य दिएको छ ।
त्रिवि क्रिकेट मैदान कीर्तिपुरमा टस जितेर पहिले ब्याटिङ गरेको कर्णालीले निर्धारित २० ओभरमा सात विकेटको क्षतिमा एक सय ४९ रन बनायो ।
कर्णालीका लागि गुल्सन झा ४९ रनमा अविजित रहनुभयो । उहाँले २२ बलमा ६ चौका तीन छक्काको सहयोगमा उक्त रन बनाउनुभएको हो ।
यस्तै पवन सर्राफले ३५, मार्क वाटले ३०, निजिबुल्लाह जादरन र दीपक डुम्रेले १०/१० रन बनाउनुभयो । बलिङमा काठमाण्डुका रासिद खानले दुई तथा सन्तोष यादव, मिलन्ड कु्मार र कप्तान करण केसीले एक एक विकेट लिनुभयो ।
कर्णाली याक्सले यसअघि चार खेलमा एउटा मात्र जितेको छ । अहिले दुई अङ्कका साथ कर्णाली छैटौँ स्थानमा छ । प्लेअफको यात्रामा रहिरहन उसलाई आज जित्नैपर्ने बाध्यता छ ।
यस्तै काठमाण्डु पाँच खेलमा तीन जितसहित ६ अङ्कका साथ तेस्रो स्थानमा छ । प्लेअफमा पुग्न काठमाण्डुका लागि आजको खेल पनि महत्त्वपूर्ण रहेको छ ।
-original-thumb.jpg)