विद्यालयलाई कम्प्युटर प्रयोगशाला हस्तान्तण

गोरखापत्र समाचारदाता 

काठमाडौं, मङ्सिर १४ गते । नेपालका लाग पाकिस्तानका राजदूत अब्रार एच. हाश्मीले काठमाडौंको बाफलस्थित ज्ञानोदय माध्यमिक विद्यालयमा नयाँ स्थापित कम्प्युटर प्रयोगशालाको उद्घाटन र हस्तान्तरण गर्नुभयो । 

पाकिस्तानका जनताबाट प्राप्त अनुदान सहयोगमा स्थापित प्रयोगशाला नेपालमा शिक्षा र डिजिटल सिकाइका लागि निरन्तर सहयोगको एक हिस्सा रहेको काठमाडौंस्थित पाकिस्तानी दूतावासले जनाएको छ ।

त्यस अवसरमा राजदूत हाश्मीले विद्यालयको व्यवस्थापनका नेतृत्व, शिक्षक र समुदायको सक्रिय सहभागिता, समर्पण र प्रभावकारी व्यवस्थापनको प्रशंसा गर्दै त्यसले देखिने गरी र दिगो शैक्षिक नतिजा ल्याएको चर्चा गर्नुभयो । 

उहाँले आधुनिक शिक्षा र डिजिटल रूपान्तरणलाई अँगाल्दै विद्यार्थीले समृद्ध संस्कृति र परम्पराको पनि सिकाइको महत्वमा जोड दिनुभयो । 

उहाँले सूचना तथा सञ्चार प्रविधिको फाइदा उठाउन र कृत्रिम बौकिता, ईकमर्स, नवीनता र फिनटेकजस्ता उदीयमान क्षेत्रको अन्वेषणमा लाग्न विद्यार्थीह?लाई प्रोत्साहित गर्नुभयो । उहाँले विद्यार्थी तथा समुदायका नेतृत्वले विद्यालयमा नेपाल–पाकिस्तान मैत्री समाज स्थापना गर्ने घोषणाका लागि प्रशंसा गर्नुभयो । 

विद्यालयमा रहेको सङ्गीत र खेलकुद समाजलाई सहयोग गर्ने पाकिस्तानी दूतावासको प्रतिबद्धतालाई विद्यार्थीह?ले हार्दिक स्वागत गरे । यस्ता पहलले पाकिस्तानी दूतावास र विद्यालय बीचको मित्रताको सम्बन्धलाई अझ प्रगाढ बनाउने र दुई जनता र देशबिचको विस्तारलाई अझ प्रगाढ बनाउने अपेक्षा गरिएको छ ।

उद्घाटन समारोहमा समुदायका नेताहरू, स्थानीय सरकारका प्रतिनिधि, पूर्व गभर्नर तथा राष्ट्रिय योजना आयोग नेपालका उपाध्यक्ष डा. दीपेन्द्रबहादुर क्षेत्री, विद्यालय व्यवस्थापन समितिका अध्यक्ष रामबाबु कोइराला, शिक्षक, अभिभावक–सङ्घका अध्यक्ष दिवाकर भट्टराई, काठमाडौं महानगरपालिकाको वडा नम्बर १३ का अध्यक्ष ध्रुवनारायण मानन्धर, जिल्ला शिक्षा समन्वय प्रमुख डा. समन्तमणि आचार्य, काठमाडौँ महानगर पालिकाका शिक्षा विभाग प्रमुख केशव ज्ञवाली र विद्यालयका प्रधानाध्यापक विष्णु घिमिरे रिमाललगायत नागरिक तथा सामाजिक व्यक्तित्वको उपस्थिति थियो ।

उक्त विद्यालयमा पहिलो कम्प्युटर प्रयोगशाला सन् २०१३ मा शिक्षण सहायताका रूपमा विद्यालयलाई हस्तान्तरण गरिएको थियो । त्यसले विद्यार्थीलाई १२ वर्षदेखि निरन्तर सेवा दिइरहेको जनाइएको छ । नयाँ प्रयोगशालामा ४२ वटा नयाँ कम्प्युटर, नयाँ फर्निचर र स्तरोन्नति गरिएको छ ।