नवराज नेपाली
गलकोट (बागलुङ), १४ मङ्सिर । बागलुङमा सर्वाधिक पुरस्कार राशीको ‘मेयर कप’ फुटबल प्रतियोगिता आइतबारदेखि सुरु भएको छ ।
बागलुङ नगर पालिकाले आयोजना गरेको प्रतियोगितामा उक्त पुरस्कार अहिलेसम्मकै सर्वाधिक रहेको छ । बागलुङ नगरपालिका नगर खेलकुद विकास समितिले आयोजना गरेको प्रतियोगिताको एक कार्यक्रबिच नगर प्रमुख वसन्तकुमार श्रेष्ठले उद्घाटन गर्नुभयो ।
“खेलकुदको हव बनाउने हो हाम्रो बागलुङ जिल्लालाई, विगतका वर्षमा रोकिएको मेयरकप यस वर्ष भव्य रूपमा गर्न थालिएको छ” श्रेष्ठले भन्नुभयो “खेलाडी उत्पादन, पर्यटन प्रवर्धनसहित बागलुङ नगरपालिकाको नाम चिनाउन फुटबल प्रतियोगिताको आयोजना गरिएको हो ।”
बागलुङ नगरपालिका वडा-१, रामरेखास्थित बाङ्गेचौर खेल मैदानमा जारी प्रतियोगितामा नेपाली सेना, गण्डकी प्रदेश प्रहरीसहित १० टिमको सहभागिता रहेको छ ।
प्रतियोगिताको विजेताले तीन लाख ३३ हजार रुपियाँ पाउने छ । उपविजेतालाई र दुई लाख दुई हजार दुई सय २२ पुरस्कार प्रदान गरिने छ ।
सर्वाधिक गोलकर्ता, सर्वोत्कृष्ट खेलाडी र सर्वोत्कृष्ट प्रशिक्षकलाई १० हजार रुपियाँका दरले पुरस्कार प्रदान गरिने आयोजकले जनाएको छ ।
-original-thumb.jpg)
