शेयर गर्नुहोस:
फन्ट परिवर्तन गर्नुहोस:
गुणबहादुर रोका
सुलीकोट, मङ्सिर १४ गते। गोरखामा बस दुर्घटना हुँदा २१ जना घाइते भएका छन्। गोरखाबाट चितवनको नारायणगढतर्फ जाँदै गरेको ना ४ ख १४१९ नम्बरको मिनिबस गोरखा नगरपालिका–११ बाह्रकिलोमा दुर्घटना हुँदा २१ जना घाइते भएको जिल्ला प्रहरी कार्यालय गोरखाका प्रहरी नायब उपरीक्षक राजकुमार श्रेष्ठले जानकारी दिनुभयो।
उहाँका अनुसार आइतबार दिउँसो १२ : ३० बजे गोरखा सदरमुकामबाट छुटेको यात्रु बस अनियन्त्रित भएर सडकबाट ५० मिटर तल खसेर रुखमा ठोक्किएको हो।
दुर्घटनापछि स्थानीय, सशस्त्र प्रहरी र जनपथ प्रहरीको संयुक्त टोलीले घाइतेको उद्वार गरी चितवन रिफर गरेको जिल्ला प्रहरी कार्यालय गोरखाले जनाएको छ। थप विवरण आउन बाँकी छ।