काठमाडौँ, कात्तिक २५ गते । दोस्रो संस्करणको नेपाल प्रिमियर लिग (एनपिएल)का खेलहरू फ्लडलाइटमा खेलाइने भएको छ ।
नेपाल क्रिकेट सङ्घ (क्यान) ले सोमबार राति खेल तालिका सार्वजनिक गर्दै लिगका खेलहरु दिउँसो र राति फ्लडलाइटमा गर्न सकिने जानकारी दिएको हो ।
तालिकाअनुसार एनपीएलको उद्घाटन खेलमा साविक विजेता जनकपुर बोल्ट्स र काठमाण्डु गुर्खाजबिच त्रिवि क्रिकेट रङ्गशालामा अपरान्ह ४:०० बजे हुनेछ । केही खेलहरू दिउँसो ११:०० बजेसमेत हुने छ ।
एनपिएलमा १९ वटा लिग खेल, तीन वटा प्लेअफ र फाइनल खेलहरू फ्लडलाइटमा हुने क्यानले जनाएको छ । एनपिएल मङ्सिर १ देखि २७ गतेसम्म आयोजना हुने छ ।
यसपटक दर्शकले १३ हजार क्षमताको प्यारापिटसहितको त्रिवि रङ्गशालामा एनपिएलका खेल हेर्न पाउने छन् । रङ्गशालाको मर्मतसँगै फ्लडलाइट जडानको काम अन्तिम चरणमा पुगेको छ ।
एनपिएलका आठ वटा फ्रेन्चाइज टोलीको सहभागिता रहने छ । सहभागी टोलीमा विदेशी खेलाडी र प्रशिक्षकसमेत धमामम अनुबन्ध हुने क्रम जारी छ ।
-square-thumb.jpg)
-original-thumb.jpg)
