काठमाडौँ, कात्तिक १७ गते । बार्सिलोनाले स्पेनिस ला लिगामा शीर्षटोली रियल म्याड्रिडलाई पछ्याउने क्रम जारी राखेको छ ।
लिगअन्तर्गत आइतबार राति भएको खेलमा बार्सिलोनाले इल्चेलाई ३–१ गोलले हरायो । घरेलु मैदानमा बार्सिलोनालाई जिताउन लामिन यमालले नवौँ, फेरान टोरेसले ११औँ र मार्कस रासफोर्ड ६१औँ मिनेटमा गोल गर्नुभयो ।
इल्चेका राफा मीरले ४२औँ मिनेटमा सान्त्वना गोल फर्काएनुभएको थियो । जितसँगै दोस्रो स्थानमा रहेको बार्सिलोनाले ११ खेलबाट २५ अङ्क बनाएको छ ।
शीर्षस्थानमा रहेको रियल म्याड्रिडको समान खेलबाट ३० अङ्क छ । पराजित इल्चे १४ अङ्कसहित नवौँ स्थानमा छ । एजेन्सी
