न्युयोर्क, भदौ १४ गते । संयुक्त राज्य अमेरिकामा जुलाई महिनाको आधारभूत महँगी २.९ प्रतिशतले बढेको छ, जुन चालु वर्षको फागुन महिनापछिको सबैभन्दा उच्च स्तर हो । अमेरिकी आर्थिक विश्लेषण विभागले शुक्रबार सार्वजनिक गरेको तथ्याङ्क अनुसार यस्तो देखिएको हो ।
आधारभूत मूल्य वृद्धि भन्नाले खाद्यान्न र इन्धन जस्ता दैनिक रूपमा उतार चढाव हुने वस्तुलाई हटाएर बाँकी वस्तु तथा सेवाको मूल्यमा आएको परिवर्तनलाई जनाइन्छ । जुन महिनाको तुलनामा यो दर ०.३ प्रतिशतले वृद्धि भएको छ, जुन आर्थिक जानकारहरूको अनुमानसँग मेल खाएको बताइएको छ ।
स्थानीय सञ्चारमाध्यमका अनुसार, मूल्य वृद्धिको गति अपेक्षाकृत मन्द देखिएकाले सेप्टेम्बर महिनामा ऋणको ब्याजदर घट्ने सम्भावना रहेको उल्लेख गरिएको छ । संयुक्त राज्य अमेरिकामा आर्थिक अवस्था आँकलन गर्ने मुख्य सूचकको रूपमा रहेको उपभोग व्यय मूल्य सूचकाङ्कअनुसार, अमेरिकामा बसोवास गर्ने नागरिक वा तिनीहरूका तर्फबाट किनमेल गरिने वस्तु तथा सेवाको मूल्य यही माध्यमबाट मापन गरिन्छ । रासस/सिन्ह्वा
