शंकर केसी
सल्यान, जेठ २८ गते । सल्यानमा गएरातिको वर्षासँगै आएको बाढीका कारण शारदा नगरपालिकाको ग्रामीण मोटर बाटो पूर्णरूपमा अवरुद्ध भएको छ ।
सदरमुकाम खलङ्गा नजिकै रहेको शारदा नगरपालिका–१२ स्थित लेकबेँसी ग्रामीण मोटर बाटो पूर्णरूपमा अवरुद्ध भएको वडाध्यक्ष सुरेन्द्र बुढाले जानकारी दिनुभयो ।
बाढीले बाटोको संरचना भत्काएको छ भने स्थानीय जनजीवन अस्तव्यस्त बनेको उहाँले बताउनुभयो ।‘सल्यान अटोभिलेज’ समेत बाढी पसेको छ । मर्मतका लागि ल्याइएका गाडीहरू मध्ये केही गाडी बाढी, भेलमा आधा भागसम्म पुरिएका छन् ।
