अस्ट्रेलिया, जेठ १८ गते । अस्ट्रेलियाली स्वास्थ्य तथा कल्याण संस्थानको नयाँ रिपोर्टअनुसार विगत एक दशकमा अस्पताल भर्ना हुने दर तीव्र गतिमा बढेको छ ।
रिपोर्टले अस्ट्रेलियाको अस्पताल प्रणालीमा बढ्दो दबाबलाई प्रकाश पारेको छ । जुन सार्वजनिक र निजी क्षेत्रहरूमा आपतकालीन र योजनावद्ध हेरचाहको बढ्दो मागले गर्दा रहेको छ ।
सन् २०२३–२४ आर्थिक वर्षमा लगभग एक करोड २६ लाख अस्ट्रेलियालीहरूलाई अस्पताल भर्ना गरिएको थियो । जुन २०१४–१५ मा १०.२ मिलियन थियो । जनसङ्ख्या वृद्धि आंशिक रूपमा जिम्मेवार भए पनि अस्पताल भर्नाको दर पनि बढेको छ ।
प्रति १ हजार व्यक्तिमा चार सय पाँच बाट चार सय २१ भर्ना भएको रिपोर्टमा भनिएको छ । सार्वजनिक अस्पतालहरूले भर्नाको ५९ प्रतिशत हिस्सा ओगटेका थिए । निजी अस्पतालहरू सामान्यतया योजनावद्ध वा ऐच्छिक हेरचाहका लागि प्रयोग गरिन्छ ।
आकस्मिकता रेकर्ड गरिएका सबै भर्नाहरूमध्ये ६९ प्रतिशत ऐच्छिक थिए । जसमध्ये प्रायः योजनावद्ध शल्यक्रिया जस्ता निजी सुविधाहरूमा उपचार गरिएको थियो । जबकि ३१ प्रतिशत आपतकालीन थिए । जसमध्ये प्रायः सार्वजनिक अस्पतालहरूले ह्यान्डल गरेका थिए ।
अस्पतालमा बस्ने समय फरक थियो । औसत अवधि २.७ दिन थियो । धेरैजसो भर्ना वा ६३ प्रतिशत एकै दिनमा थिए । विगत एक दशकमा गैर–भर्ना हेरचाह पनि बढेको छ । बाहिरी बिरामी सेवा घटनाहरू २०१४–१५ मा ३४.९ मिलियनबाट बढेर २०२३–२४ मा ४०.९ मिलियन पुगेको छ । सिन्ह्वा/न्यूज एजेन्सी नेपाल
