गाजामा नरसंहार रोक्न संयुक्त राष्ट्रसङ्घ मानव अधिकार परिषदद्वारा आग्रह

संयुक्त राष्ट्रसङ्घ, चैत २१ गते । संयुक्त राष्ट्रसंघ मानव अधिकार परिषद्को ५८ औं बैठकले बुधबार इजरायललाई गाजा पट्टीमा नरसंहार रोक्न माग गर्ने प्रस्ताव पारित गरेको छ । 

पक्षमा २७ मत, विपक्षमा चार मत र १६ मतले मतदान नगरी पारित भएको प्रस्तावले इजरायललाई युद्धविराम सम्झौता उल्लङ्घन गरेकोमा निन्दा गरेको छ । आफ्ना प्रतिबद्धताहरूलाई पूर्णरूपमा पालना गर्न आग्रह गरेको छ । 

प्रस्तावले गाजामा युद्धको विधिको रूपमा इजरायलले भोकमरीको प्रयोग, मानवीय पहुँचको गैरकानुनी अस्वीकार, राहत आपूर्तिमा जानाजानी अवरोध र खाद्यान्न, पानी, बिजुली, इन्धन र दूरसञ्चारलगायत नागरिक बाँच्नका लागि आवश्यक पर्ने आवश्यक स्रोतहरूबाट बञ्चित गरेकोमा थप निन्दा गरेको छ । प्रस्तावले इजरायली अधिकारीहरूले नरसंहारका लागि उक्साउने बयानहरूमाथि गम्भीर चिन्ता व्यक्त गरेको छ । सिन्ह्वा/न्यूज एजेन्सी नेपाल