गोरखापत्र समाचारदाता
काठमाडौँ, चैत ४ गते । मिलन चाम्सद्वारा निर्देशित चलचित्र ‘अञ्जिला’ को गीत ‘रात किन हुन्छ हजुर’ सार्वजनिक भएको छ । युट्युबमार्फत आइतबार गीत सार्वजनिक गरिएको हो । गीतमा दुःख, पीडा र वेदनाका शब्द पोखिएका छन् । गीतमा थानेश्वर गौतम र शान्तिश्री परियारको स्वर रहेको छ । गीतमा थानेश्वरको सङ्गीत र प्रभा बर्तौलाको शब्द रहेको छ ।
नेपाली महिला राष्ट्रिय फुटबल टिमकी कप्तान एन्जिला तुम्बापो सुब्बाको जीवनीमा आधारित रहेर चलचित्र निर्माण भएको हो । एन्जिला आफैँले प्रमुख भूमिकामा अभिनय गर्नुभएको चलचित्रमा सुनील थापा, दयाहाङ राई, विजय बराल, सिर्जना सुब्बा, माओत्से गुरुङलगायत कलाकारको अभिनय रहेको छ । चलचित्र गत शुक्रबार देशव्यापी रूपमा प्रदर्शनमा आइसकेको छ ।
