गोरखापत्र समाचारदाता
काठमाडौँ, फागुन १८ गते । चलचित्र तीन ताराको छायाङ्कन औपचारिक रूपमा सम्पन्न भएको छ । माउन्टेन र्याट्स मोसन पिक्चर्सको ब्यानरमा निर्माण भइरहेको चलचित्रले जीवन, मित्रता र समयको प्रभावलाई केन्द्रमा राख्दै दर्शकलाई भावनात्मक यात्रामा लैजाने अपेक्षा गरिएको छ ।
निर्देशक जीवन दाहालको पहिलो निर्देशन रहेको चलचित्रले १५ वर्षपछि भेटिएका साथीहरूको जीवनमा आएको परिवर्तन, उनीहरूबिचको सम्बन्ध र समयसँगै विकसित भावनाको कथा प्रस्तुत गर्छ । यो कथाले दर्शकलाई आफ्नै जीवनका केही क्षणहरू स्मरण गराउने छ, जहाँ समयसँगै सम्बन्ध कसरी परिवर्तन हुन्छन् भन्ने देखाइने छ । चलचित्रमा घनश्याम जोशी, वेदन राई, रूपेश तामाङ, सुनील तामाङ, अशोक गौतम, नवीनचन्द्र अर्याललगायतका कलाकारको अभिनय देख्न सकिन्छ ।
