गीत

सहज छैन सोचेजस्तो तर जीवन चल्नै पर्छ 

अस्तित्वलाई जोगाइराख्न दियो आफू जल्नै पर्छ

सुख दुःख जिन्दगीको सिक्काका दुई पाटा जस्तै 

तपिरहनू वरपीपल झैँ कहिले रुँदै कहिले हाँस्दै 

गहनाको रूप पाउन नम्बरी सुन जल्नै पर्छ 

सहज छैन सोचे जस्तो तर जीवन चल्नै पर्छ

कमिलाले भत्काउँछ पहाडलाई चाह्यो भने 

सम्बन्धलाई भत्काउँछ मनमा शङ्का रह्यो भने

एकअर्काका ढाल बनी दुःखका तीर छल्नै पर्छ 

सहज छैन सोचे जस्तो तर जीवन चल्नै पर्छ ।