काठमाडौँ, माघ ६ गते। ललितपुरको महांकाल गाउँपालिका उपाध्यक्ष डोल्मा माया गोले अन्तर्राष्ट्रिय अवार्डबाट सम्मानित हुनुभएको छ।
भारतको नयाँ दिल्लीमा आयोजित एक कार्यक्रममा उपाध्यक्ष गोलेलाई ‘इन्टरनेशनल ओमेन्स लिडरसीप अवार्ड प्रदान गरिएको हो।
यो अवार्ड इन्टरनेशनल अवार्ड फोरम अमेरिकाले आयोजना गर्दै आएको छ। हरेक वर्ष समाजका विभिन्न क्षेत्रमा उत्कृष्ट काम गरेर योगदान दिएका व्यक्तिलाई यो संस्थले अवार्ड वितरण गर्दै आएको छ।
उपाध्यक्ष गोलेका अनुसार यो संस्थाले उनीसहित नेपालका ४ जना व्यक्तिलाई पुरस्कृत गरेको छ। हाल महांकाल गाउँपालिका उपाध्यक्ष गोले माओवादी केन्द्रको राजनीतिमा सक्रिय हुनुहुन्छ।
