काठमाडौँ, माघ ६ गते । विभागीय टोली त्रिभुवन आर्मी क्लबले एन्फा राष्ट्रिय महिला लिग फुटबलमा वालिङ नगरपालिकाविरुद्ध सनसनीपूर्ण जित निकालेको छ ।
एन्फा मैदानमा आइतबार भएको सुपरलिगको दोस्रो चरणको खेलमा आर्मीले वालिङलाई ६–१ गोलले हरायो । जितसँगै आर्मीले क्वालिफायर–१ मा स्थान बनाएको छ । आर्मीको जितमा चन्द्रा भण्डारी एक्लैले पाँच गोल गर्नुभयो ।
अर्को गोल विमला चौधरीले थप्नुभयो । वालिङकी मिना देउवाले सान्त्वना गोल फर्काउनुभयो । जितसँगै आर्मीले सात खेलबाट १६ अङ्क बनाएको छ । हारसँगै वालिङ प्रतियोगिताबाट बाहिरिएको छ ।
