‘दलालशाला’ विमोचित

गोरखापत्र समाचारदाता

काठमाडौँ, माघ ३ गते । सिस्नुपानी नेपालका अध्यक्ष एवं हास्यव्यङ्ग्यकार लक्ष्मण गाम्नागेको हास्यव्यङ्ग्य कृति ‘दलालशाला  (निबन्धसङ्ग्रह)’ प्रकाशनमा आएको छ । कृतिलाई मञ्जरी पब्लिकेसनले बजारमा ल्याएको हो । कृतिको एकैसाथ झापाको गौरादहस्थित लेखकको निवास र दुबईको बुर्ज खलिफा टावरमा विमोचन गरिएको सिस्नुपानी नेपालले जनाएको छ ।  सिस्नुपानी नेपालका उपाध्यक्ष प्राज्ञ धीरेन्द्र प्रेमर्षि, उपाध्यक्ष वरिष्ठ हास्य कलाकार मनोज गजुरेल, महासचिव टङ्कराज आचार्य, सचिव सरोज घिमिरे सदस्यहरू चक्र दवाडीलगायतले पुस्तकको संयुक्त रूपमा विमोचन गर्नुभएको थियो ।