काठमाडौँ, माघ १ गते । पाकिस्तान सुपर लिग (पिएसएल) क्रिकेटको लागि ड्राफमा रहेका नेपालका सात खेलाडी विक्री भएनन् ।
पिएसएलका लागि नेपालका सन्दीप लामिछानेसहित सात खेलाडी ड्राफमा रहेका थिए । सन्दीपलाई ड्राफमा डायमन्ड समूहमा राखिएको थियो ।
यस्तै सिल्भर समूहमा राखिएका आसिफ शेख, अर्जुन साउद, देव खनाल, दीपेन्द्रसिंह ऐरी, गुलशन झा र सोमपाल कामीलाई पनि कुनै टोलीले लिन चासो देखाएनन् ।
पिएसएलको अघिल्लो संस्करणमा पनि नेपालका कुनैपनि खेलाडी विकेका थिएनन् । ६ टोलीको सहभागिता रहने १०औँ संस्करणको पिएसएल अप्रिल १० तारिखदेखि सुरु हुनेछ ।
