काठमाडौँ, पुस २१ गते । क्यानाडा अध्ययन गर्न जान चाहने नेपाली विद्यार्थीका लागि लक्षित गरेर ‘क्यानाडा समिट २०२५’ आयोजना हुने भएको छ।
आगामी जनवरी ९ तारिखका दिन इन्टरनेसनल करियर काउन्सिलिङ सेन्टर (आइसिसिसी)ले बिहान ११ बजेदेखि दिउँसो ३ बजेसम्म कार्यक्रम आयोजना गर्न लागेको आइसिसिसीका प्रबन्ध निर्देशक राम खड्काले जानकारी दिनुभयो। कार्यक्रम आइसिसिसीको कार्यालय पुतलीसडकमा हुनेछ।
कार्यक्रममा सेन्टेनियल कलेज, लेकहेड युनिभर्सिटी, एसएआइटी, दरहम कलेज, सेनेका पोलिटेक्निक र जर्जियन कलेज जस्ता प्रसिद्ध क्यानेडियन संस्थाका प्रतिनिधिसँग अन्तरक्रिया गर्ने मौका प्राप्त हुनेछ।
सहभागीले विशेषज्ञसँग छलफल गर्ने र आफ्ना शैक्षिक योजनाका लागि व्यक्तिगत मार्गदर्शन प्राप्त गर्ने आइसिसिसीको दाबी छ।
