गोरखापत्र समाचारदाता
काठमाडौँ, पुस २० गते । नेपाली हिपहपकी चर्चित र्यापर डिम्रितीको ‘मलाई आजभोलि’ बोलको नयाँ म्युजिक भिडियो सार्वजनिक भएको छ । तीन वर्षअघि ब्रेकबार्ज र्याप ब्याटल जितेर चर्चामा आउनुभएकी डिम्रितीको यो भिडियो उहाँकै युट्युबमार्फत सार्वजनिक भएको हो ।
गीतको भिडियोमा गायिका डिम्रितीसँगै अभिनेता नवीन न्यौपानेको अभिनय रहेको छ । प्रेम–बिछोड भावले भरिएको गीतको भिडियो निर्देशन नीरञ्जन प्रधानले गर्नुभएको छ । भिडियोमा देखाइएको प्रेमको कथा र भावनात्मक सङ्घर्षले दर्शकलाई बाँधेर राख्ने निर्देशक प्रधानले दाबी गर्नुभयो । गीतको शब्द र सङ्गीतमा डिम्रितीको सिग्नेचर शैली झल्किन्छ, जसले श्रोतालाई गीतसँग सम्बन्धित महसुस गराउँछ । डिम्रिती जातीय विभेदविरुद्धका विषयवस्तुलाई मूलधारको ¥यापमा लोकप्रिय बनाउनेमा विशेष योगदान दिने र्यापरका रूपमा परिचित हुनुहुन्छ । डिम्रितीका हाइड एन्ड सिक, नो फिमेल र्यापर जस्ता गीत युवापुस्तामाझ चर्चित छन् ।
