इस्तानबुल, पुस १३ गते । टर्कीको मुख्य कुर्द समर्थक डेम पार्टीको एक प्रतिनिधिमण्डलले शनिबार इस्तानबुलको जेलमा रहेका पीकेके नेता अब्दुल्लाह ओकलानलाई भेट्ने भएको छ ।
‘‘प्रतिनिधिमण्डल बिहानै प्रस्थान गरेको थियो,’’ स्रोतले एएफपीसँग भन्यो, “सुरक्षाको कारण देखाउँदै उहाँबारे विस्तृत जानकारी दिनुभएन । करिब १० वर्षमा पार्टीको यो पहिलो भ्रमण हुनेछ ।’’
डेमको तत्कालिन नेतृत्वले अन्तिम पटक अप्रिल २०१५ मा ओकलानलाई भेटेको थियो । करिब आधा शताब्दीअघि कुर्दिस्तान वर्कर्स पार्टी (पिकेके) को स्थापना गरेका र सन् १९९९ देखि भूमिगत रूपमा रहेका ओकलानलाई भेट्न डेमको अनुरोधलाई सरकारले शुक्रबार अनुमोदन गरेको थियो ।
पीकेकेलाई टर्की र संयुक्त राज्य अमेरिका र युरोपेली सङ्घसहित यसका अधिकांश पश्चिमी सहयोगीहरूले ‘आतङ्कवादी’ सङ्गठनको रूपमा लिन्छन् । केन्यामा टर्कीको सुरक्षा फौजले हलिउड शैलीको कारबाही चलाएको आरोपमा २५ वर्षअघि पक्राउ परेका ओकलानलाई मृत्युदण्डको सजाय सुनाइएको थियो ।
सन् २००४ मा टर्कीले मृत्युदण्डको सजाय खारेज गरेपछि उहाँलाई फाँसीको सजाय भएको थियो । उहाँले पछिल्ला वर्षहरू इस्तानबुलको दक्षिणमा रहेको इमराली टापुमा रहेको एकान्त जेलमा बिताइरहनुभएको छ । राष्ट्रपति रेसेप तैयप एर्दोगानको राष्ट्रवादी सहयोगी एमएचपी पार्टीका नेता डेभलेट बाहसेलीले ओकलानलाई ‘आतङ्क’ त्याग्न र लडाकू समूहलाई विघटन गर्न संसदमा आउन निमन्त्रणा दिएपछि शनिबारको दुर्लभ भ्रमण सम्भव भएको हो ।
एर्दोगानले यो अपिललाई ‘अवसरको ऐतिहासिक झ्याल’ को रूपमा व्याख्या गर्नुभएको छ । रासस/एएफपी
