गोरखापत्र समाचारदाता
काठमाडौँ, पुस ८ गते । चलचित्र ’होस्टेल ३’ को छायाङ्कन ४९ दिनमा सकिएको चलचित्रका निर्देशक सशान कँडेलले जानकारी दिनुभयो । चलचित्र पोस्ट प्रोडक्सनको चरणमा रहेको छ । यसअघि फागुन १६ गते प्रदर्शन हुने भनिए पनि सो मितिमा नहुने बताइएको छ । चलचित्रको नयाँ प्रदर्शन मिति छिट्टै घोषणा गरिने जानकारी निर्माण पक्षले दिएको छ । चलचित्रमा पारस बम, रिहान गिरी, आशिष घिमिरे, पदम तामाङ, सिम्रन पन्त, हेना नगरकोटी, उमर खान, समा पराजुली, सन्तोष बानियाँ, रोहन श्रेष्ठ, आशिष पुरुषलगायतका कलाकारहरूको अभिनय रहेको छ । चलचित्रलाई माधव शर्माले लेख्नुभएको हो भने सुदीप कुँवर मुख्य सहायक निर्देशक, शङ्कर कोइराला कार्यकारी निर्माता, कर्ण कार्की र गोविन्द अधिकारी निर्माता र सुरेश कँडेल सहनिर्माता हुनुहुन्छ ।
