हात्तीको आक्रमणबाट माउते घाइते

अनिल पराजुली

हेटौँडा, पुस ४ गते । हात्तीको आक्रमणबाट एक जना माउते घाइते हुनुभएको छ । पर्सा राष्ट्रिय निकुञ्जको सुरक्षार्थ नेपाली सेनाको सबुज गणको पोस्टमा पालेको हात्तीको आक्रमणबाट माउते सर्लाही हरिपुर नगरपालिका–९ बस्ने २५ वर्षीय मनिष चौधरी घाइते हुनुभएको हो । 

बागमती प्रदेश प्रहरी कार्यालय हेटौँडाका अनुसार बुधवार दिउँसो हात्तीलाई दाना पानी खुवाउने क्रममा अचानक हात्तीले सुडले हानी माउते चौधरीको शरीर र कानमा चोट लागेको हो ।

घाइते माउतेको चितवन पुरानो मेडिकल कलेज भरतपुरमा उपचार भइरहेको छ । आक्रमण गर्ने हात्तीलाई सोही स्थानमा बाँधेर राखिएको प्रहरीले जनाएको छ ।