काठमाडौँ, पुस १ गते । सार्वजनिक सेवा प्रसारण संस्थाको कार्यकारी अध्यक्षमा डा. महेन्द्र विष्ट नियुक्त हुनुभएको छ ।
सञ्चार तथा सूचना प्रविधि मन्त्रालयमा सोमबार मन्त्री पृथ्वीसुब्बा गुरुङद्वारा विष्ट नियुक्तिसँगै शपथ ग्रहण गर्नुभएको छ ।
गत शुक्रबार बसेको मन्त्री परिषदको बैठकले डा. विष्टलाई कार्यकारी अध्यक्षमा नियुक्त गर्ने निर्णय गरेको हो ।
डा विष्ट यसअघि पनि नेपाल टेलिभिजनका कार्यकारी अध्यक्ष हुनुहुन्थ्यो । नेपाल टेलिभिजन र रेडियो नेपाल व्यवस्थापन गर्न सरकारले केही महिनाअघि सार्वजनिक सेवा प्रसारण ऐन ल्याएको थियो । उक्त ऐनबमोजिम सार्वजनिक सेवा प्रसारण संस्थाको कार्यकारी अध्यक्षमा विष्टलाई नियुक्ति हुनुभएको हो ।
