गणेश खनाल
अर्घाखाँची, मसिर २९ गते । पत्रकार महासंघ अर्घाखाँची अध्यक्षमा गणेश खनाल निर्वाचित हुनुभएको छ । उहाँ गोरखापत्रको अर्घाखाँची समाचारदाता हुनुहुन्छ । अध्यक्षका निकटतम प्रतिद्वन्द्वी अशोक खनाललाई १९ मत अन्तरले पराजित गर्दै गणेश अध्यक्षमा निर्वाचित हुनुभएको हो।
प्रेस युनियन अर्घाखाँची, प्रेस चौतारीसहित अध्यक्षको उम्मेदवार बन्नुभएका खनालले ३३ मत प्राप्त गरेर निर्वाचित हुनुभयो । ५७ मतदाता मध्ये ४७ मत खसेको थियो । नवनिर्वाचित पदाधिकारी तथा सदस्यहरूमा उपाध्यक्ष रुद्रमणी भुसाल, महिला उपाध्यक्ष अम्बिका श्रेष्ठ, सचिव लक्षमण घिमिरे, सहसचिव घनश्याम पौडेल, कोषाध्यक्ष नवीन केसी निर्वाचित हुनुभयो ।
त्यस्तै सदस्यहरुमा कमला पोख्रेल, सागर परियार, मधुकुमार श्रेष्ठ, अमृत श्रेष्ठ, नवीन पन्थी, नारायण पोख्रेल, बिष्नु खनाल र सागर महत लगायतको समूह बिजयी भएको निर्वाचन अधिकृत बिस्नुप्रसाद भुसालले जानकारी दिनुभयो ।
