कमल खत्री
धम्बोझी, मङ्सिर १९ गते । ट्राफिक प्रहरी रोल्पाका प्रमुख प्रहरी नायब निरीक्षक ललितकुमार बुढाथोकी रङ्गेहात घुससहित पक्राउ पर्नुभएको छ । अख्तियार दुरुपयोग अनुसन्धान आयोग नेपालगन्जबाट गएको टोलीले प्रमुख प्रहरी नायब निरीक्षक बुढाथोकीलाई २५ हजार घुस रकमसहित पक्राउ गरेको हो ।
सवारीसाधन आवतजावतमा सजिलो बनाइदिने भन्दै बुढाथोकीले गाडीधनीसँग २५ हजार रुपियाँ घुस लिएको अख्तियार दुरुपयोग अनुसन्धान आयोग नेपालगन्जले जानकारी दिएको छ ।
नेपालगन्जबाट गएको अख्तियारको टोलीले उहाँलाई निवासबाट पक्राउ गरेको हो । विस्ताराको सिरानी मुनी खामभित्र राखिएको २५ हजार फेला पारेको अख्तियारले जनाएको छ ।
