जयकृष्ण यादव
इनरुवा, मंसिर १६ गते। सुनसरीको गढी गाउँपालिकामा आज सम्पन्न भएको उपनिर्वाचनपछि मतगणना सुरु भएको छ । सुरु भएको मतगणनाअनुसार ३०० मत गणना हुँदा गढी गाउँपालिका ६ को वडाध्यक्ष पदका लागि नेकपा (एमाले) का उम्मेदवार सन्तु उराँवले १०२ मत प्राप्त गरी अग्रता लिनुभएको छ ।
नेपाली कांग्रेसका उम्मेदवार तेतर साहुले ८६ मत प्राप्त गर्नुभएको छ। यसैगरी नेकपा (माओवादी केन्द्र) का उम्मेदवार कुशेश्वर खेरवारले ७७ मत पाउँदा राष्ट्रिय प्रजातन्त्र पार्टीबाट कविता उराँवले १६ मत प्राप्त गर्नुभएको निर्वाचन अधिकृतको कार्यालयले जनाएको छ ।
