जफर लुम्बिनी लायन्समा अनुबन्ध

काठमाडौँ, मङ्सिर ६ गते । क्यानडाका कीर्तिमानी क्रिकेट आइकन साद बिन जफर नेपाल प्रिमियर लिग–२०२४ का लागि लुम्बिनी लायन्समा अनुबन्ध हुनुभएको छ । 

सन् २०२४ को टी–२० विश्वकपमा क्यानडाको कप्तानी गर्नुभएका जफरको अनुबन्धले लुम्बिनी थप बलियो बन्ने विश्वास गरिएको छ । 

पाकिस्तान मूलका जफरले सन् २००८ मा क्यानडाको फस्ट क्लास क्रिकेटमा डेब्यु गर्नुभएको थियो । लुम्बिनी लायन्सका अध्यक्ष ईश्वर जिसीले जफरलाई टोलीमा समावेश गर्न पाउँदा आफ्नो खुसी लागेको बताउनुभयो ।

एनपीएल यही मङ्सिर १५ गतेबाट सुरु हुनेछ । लुम्बिनी लायन्सको मङ्सिर १९ गते विराटनगर किंग्ससँग खेल्दै लिगको सुरुवात गर्नेछ ।