गणेश खनाल
अर्घाखाँची, कात्तिक २० गते । अर्घाखाँचीमा ट्याक्सी दुर्घटना हुँदा पाँच जना घाइते भएका छन् । सन्धिखर्क नगरपालिका वाड नम्बर ८ खालमा ट्याक्सी दुर्घटना भएको हो ।
धारापानीबाट सन्धिखर्क आउँदै गरेको लु १ ज ४०४३ नम्बरको ट्याक्सी सडकबाट करिब १० मिटर तल खसेको प्रहरी प्रमुख चक्रबहादुर मल्लले जानकारी दिनुभयो ।
पाँच जना यात्रु बोकेर हिँडेको ट्याक्सी दुर्घटना हुँदा मानवीय क्षति भने नभएको जनाइएको छ । घाइतेको स्थानीय स्वास्थ संस्थामा उपचार भइरहेको छ ।
ट्याक्सी दुर्घटना हुँदा स्थानीय ज्ञानबहादुर खत्रीको कुखुराको खोरमा क्षति भएको छ । खोरमा कुखुरा भने थिएनन् ।
-original-thumb.jpg)
