जुवा खेल्ने १६ जना प्रहरी नियन्त्रणमा

जयकृष्ण यादव 

इनरुवा, कात्तिक १७ गते । सुनसरीमा जुवा खेल्ने क्रममा १६ जनालाई प्रहरीले पक्राउ गरेको छ । प्रहरीले गोप्य सूचनाका आधारमा जुवाडेहरुबाट करिब तीन लाख रुपियाँ बरामद गरेको छ ।

सुनसरीको इनरूवा नगरपालिका ६ मा जुवातास खेलिरहेको गोप्य सूचनाको आधारमा जिल्ला प्रहरी कार्यालय सुनसरीवाट खटिएको प्रहरी अधिकृतको टोलीले १६ जनालाई पक्राउ गरेको हो । जुवा खेल्ने ठाउँबाट दुई लाख ८३ हजार ९६५ रुपियाँ बरामद गरेको प्रहरी उपरीक्षक सुमन तिल्सिनाले जानकारी दिनुभयो ।