टर्की, असोज ८ गते । टर्कीको उत्तरपश्चिमी प्रान्त बुर्सामा एक प्रशिक्षण विमान दुर्घटना हुँदा दुई पाइलटको मृत्यु भएको स्थानीय अधिकारीहरूले बताएका छन् ।
बुर्सा गभर्नरको कार्यालयका अनुसार विमान येनिसेहिर एयरपोर्टको एप्रोन क्षेत्रमा खसेको थियो । एम्बुलेन्स, दमकल, र खोज र उद्धार टोली घटनास्थलमा पठाइएको थियो ।
डेमिरोरेन समाचार एजेन्सीले उक्त घटनामा प्रमाणित पाइलट र एक विद्यार्थी पाइलटको मृत्यु भएको जनाएको छ । विमान एक निजी फ्लाइट स्कुलको थियो । घटनाको अनुसन्धान सुरु गरिएको छ । सिन्ह्वा/न्यूज एजेन्सी नेपाल
