काठमाडौँ, भदौ २७ गते । नेपाल भलिबल सङ्घले सेन्ट्रल एसियन भलिबल एसोसिएसन (काभा) पुरुष यु–२० च्याम्पियनसिपका लागि नेपाली टोलीको घोषणा गरेको छ ।
सङ्घले बिहीबार प्रशिक्षणमा रहेका खेलाडीबाट अन्तिम १२ जनाको नाम घोषणा गरेको हो । प्रशिक्षणमा यसअघि १८ खेलाडी समावेश थिए ।
च्याम्पियनसिप अगामी असोज १७ देखि २३ गतेसम्म श्रीलङ्काको कोलम्बोमा आयोजना हुँदैछ ।
नेपाली यु–२० टोली
पहल गहतराज, सुरेश मल्ल, शैलेन्द्र यादव, सूर्य विक, अर्जुन नेपाली, विश्वास अधिकारी, सागर रसौली, अशोक राना, जितबहादुर कार्की, सुजन सुनार, रेसमन राहादी र दिनेश कुँवर ।
