जोर्डन, भदौ २७ गते । जोर्डनको स्वतन्त्र निर्वाचन आयोगका अध्यक्ष मुसा मायताहले देशको २० औं संसदीय निर्वाचनको प्रारम्भिक नतिजा घोषणा गर्नुभएको छ ।
स्वतन्त्र निर्वाचन आयोगको आयुक्त मण्डलले स्थानीय निर्वाचन जिल्ला र सामान्य जिल्लाको प्रारम्भिक नतिजालाई अन्तिम नतिजा राजपत्रमा प्रकाशित गर्ने भएकाले स्वीकृत गर्ने निर्णय गरेको छ ।
मङ्गलबारको निर्वाचनमा ५१ लाख योग्य मतदातामध्ये १६ लाखभन्दा बढीले सहभागिता जनाएकामा ३२.१३ प्रतिशत मतदाता रहेको बताइएको छ । कोटा प्रणालीमार्फत १८ सहित संसदमा कुल २७ महिला सिट प्राप्त भएको छ । जसले अघिल्लो व्यवस्थापिकाको महिला प्रतिनिधित्वलाई प्रभावकारी रूपमा दोब्बर बनाएको छ ।
६ युवा उम्मेदवार निर्वाचित भएका छन् । ३१ वटा दलसँग आबद्ध उम्मेदवारहरूले १०४ सिट जितेका छन् । मङ्गलबारको चुनाव जोर्डनको नयाँ चुनावी कानुनअन्तर्गत पहिलो हो ।
सन् २०२२ मा पेश गरिएको थियो । जसले सांसदहरूको सङ्ख्या १३० बाट १३८ मा बढाएको छ । महिला र युवा उम्मेदवारहरूको प्रतिनिधित्व बढाउने लक्ष्य राखेको छ । अन्तिम नतिजा आगामी दिनमा राजपत्रमा प्रकाशित हुनेछ । सिन्ह्वा/न्यूज एजेन्सी नेपाल
