फुटसल गोल्ड कप यसै महिना

काठमाडौँ, भदौ ५ गते । हिमालयन फुटबल क्लब र गानादा एडुकेशनल कन्सल्टेन्सीको आयोजनामा हिमालयन फुटसल गोल्ड कप प्रतियोगिता भदौ २० र २१ गते हुने भएको छ । 

चाबहिलस्थित भाटभटेनी हेल्थ क्लबमा हुने प्रतियोगिताका ३२ टोलीको सहभागिता रहने बुधबार आयोजित पत्रकार सम्मेलनमा क्लबका अध्यक्ष विनोद कार्कीले जानकारी दिनुभयो । 

प्रतियोगिताका खेलहरू नकआउटका आधारमा हुनेछ । प्रतियोगिताको विजेता टोलीले दुई लाख र उपविजेताले एक लाख  रुपियाँ पुरस्कार पाउनेछ । 

यस्तै अनुशासित टोली र उत्कृष्ट गोलरक्षकलाई जनही १० हजार रुपियाँ पुरस्कार प्रदान गरिने आयोजकले जनाएको छ । प्रतियोगिताका खेलहरू नकआउटका आधारमा हुनेछ ।