बोमलाल गिरी
नवलपुर, जेठ २८ गते । नवलपुरको कावासोती र मध्यबिन्दु नगरपालिकाभित्र रहेका सबै विद्यालयमा तीन दिनका लागि सार्वजनिक बिदा दिइएको छ । नगरपालिकाभित्र रहेका सबै संस्थागत र सामुदायिक विद्यालयमा तीन दिनका लागि बिदा दिइएको नगर कार्यपालिका कार्यालयहरूले सूचना निकालेर जानकारी दिएका छन् ।
विगत केही दिनदेखि गर्मी अत्यधिक बढ्दै जाँदा पठनपाठन सकसपूर्ण भएकोले वर्षे बिदामा समायोजन हुने गरी आजदेखि ३० गतेसम्म सबै विद्यालय बन्द गर्न निर्देशन दिएको कार्यालयहरूले उल्लेख गरेका छन् ।
कावासोतीमा आइतबारको अधिकतम तापक्रम ३७ डिग्री सेल्सियस पुगेको थियो ।
