शैलेन्द्र रोकाया
बझाङ, वैशाख १७ गते । बझाङ क्षेत्र नम्बर १ (क)मा नेपाली कांग्रेसका उम्मेदवार अभिषेकबहादुर सिंहले अग्रता कायम राख्नुभएको छ । सोमबार बिहानको मतगणना परिणामअनुसार उहाँले आठ हजार २२७ मत प्राप्त गर्नुभएको छ ।
ययसैगरी, उहाँका प्रतिस्पर्धी नेकपा (एमाले)का उम्मेदवार दमनबहादुर भण्डारीले सात हजार ९७४ मत ल्याउनुभएको छ । कांग्रेका सिंह २५३ मतले अगाडि हुनुहुन्छ ।
त्यस्तै नेकपा (माओवादी केन्द्र)का उम्मेदवार जनकबहादुर बुढाले दुई ९९३ मत र नेकपा (एकीकृत समाजवादी)का उम्मेदवार दिलबहादुर सिंहले दुई १६२ मत प्राप्त गर्नुभएको छ ।
यो मत परिणाम बझाङको जनपा, खप्तडछान्ना, छविसपाथिभेरा, थलारा–९, सुर्मा गाउँपालिका र मस्ता गाउँपालिका १ र २ को अन्तिम मत परिणाम हो ।
अब मस्ता ३, ४, ५, ६ र ७, तल्कोट गाउँपालिका र साइपाल गाउँपालिकाको मतगणना हुन बाँकी छ ।
