काठमाडौँ, मङ्सिर १८ गते । गायक सुरज श्रेष्ठले आफ्नो नयाँ गीत ‘बेनी बजारमा’ सार्वजनिक गर्नुभएको छ । दीपक शर्माले रचना गर्नुभएको गीतमा आफूलाई मन परेकी युवतीको प्रेम प्राप्तिका लागि युवकले गरेको प्रयासको भावलाई उतारिएको छ । सुरजको स्वरका लागि दीपकले नै यसमा सङ्गीत दिनुभएको छ ।
गीतको भिडियोको पृष्ठभूमिमा म्याग्दी जिल्लाको बेनी बजार आसपास र पर्वत जिल्लाको ऐतिहासिक मल्लाज दरबार तथा कुस्माको शताब्दी घरलाई राखिएको छ ।
कुमार केसीले निर्देशन गर्नुभएको भिडियोमा उषा उप्रेती र दिनेश काफ्लेको अभिनय रहेको छ । अनिल के मानन्धरको छायाङ्कन तथा मनोज कार्कीले सम्पादन गर्नुभएको छ ।
