काठमाडौँ, कात्तिक १ गते । रेडियोकर्मी विजन दुवाडीलाई सगरमाथा कला पत्रकारिता सम्मान प्रदान गरिएको छ । सहारा ग्रुप पाँचौँ सगरमाथा म्युजिक अवार्ड २०८० बाट उहाँलाई सम्मानित गरिएको हो ।
कार्यक्रममा वरिष्ठ लोक गायिका तीर्थकुमारी थापालाई सगरमाथा लाइफ टाइम एचिभमेन्ट अवार्ड २०८० बाट सम्मानित गरिएको थियो । उहाँलाई नगदसहित सम्मान प्रदान गरिएको हो । उहाँहरूसहित अन्य पाँच जना सञ्चारकर्मी र गायक गायिकाहरूलाई पनि सम्मान प्रदान गरिएको छ । कार्यक्रममा टोखा नगरपालिका प्रमुख प्रकाश अधिकारीले सम्मान प्रदान गर्नुभएको हो ।
टोखा नगरपालिका प्रमुख अधिकारीले कलाकार तथा सञ्चार कर्मीलाई सम्मान गर्नु अत्यन्तै प्रशंसनीय कार्य भएकोले नगरपालिकाले निरन्तर सहयोग गर्ने प्रतिबद्धता व्यक्त गर्नुभयो । अवार्डका लागि अर्थ नेपाल प्रालिको आयोजना र टोखा नगरपालिकाको सह–आयोजना रहेको थियो ।
