काठमाडौं, असोज २९ गते । डोल्मो घिसिङ तामाङको ‘हे मेरी आमा’ बोलको गीत बजारमा आएको छ । डोल्मो घिसिङको प्रस्तुति, शब्द र सङ्गीत रहेको उक्त गीतलाई उहाँकै अफिसियल युट्युब च्यानल डोल्मो घिसिङ तामाङमार्फत बजारमा ल्याएको हो ।
बुद्ध स्याङ्बाको सङ्गीत संयोजन, मिक्सिङ र मस्टरिङ रहेको उक्त गीतलाई गायक एवम् सङ्गीतकार राज कुमार दोङ तामाङ र गायिका रश्मि दोङ तामाङको आवाज रहेको छ ।
भिडियोमा उहाँकै गायक एवम् सङ्गीतकार राजकुमार दोङ र याङगी दोङको अभिनय देख्न सकिन्छ । निशल बस्नेतले छायाङ्कन गरेको उक्त म्युजिक भिडियोलाई विकास दाहालले सम्पादन, युवराज वाइबाले निर्देशन, लोमुस पौडेलले सह–निर्देशन गर्नुभएको हो ।
