हिमाल हास्छ, पहाड नाच्छ, तराई झुल्दछ
यही हिमाल, पहाड, तराईसँग नेपाल खेल्दछ
धानको बाला, तराई झुल्दा मधेश उज्यालो
तोरीको फूल पहेँलै फुल्दा यो मन रमायो ।
हिमाल हास्छ, पहाड नाच्छ...
यही हिमाल, पहाड, तराईसँग...
शिरमा मेरो ढाका र टोपी, शिरैमा हिमाल
चन्द्र र सूर्य नेपालको झन्डा, नाच्दछ फरर
आँखामा मेरो त्रिशूली बग्ला, नानीमा गण्डकी
छातीमा मेरो नेपाल रहला, मुटुको ढुकढुकी ।
हिमाल हास्छ, पहाड नाच्छ...
यही हिमाल, पहाड, तराईसँग...
गलामा मेरो लैबरी बस्यो, भाकामा सोरेठी
दिलमा मेरो रोदी र घाटु, नृत्यमा मारुनी
कोइली गाउला, मयुर नाच्ला चारकोशे झाडीमा
कस्तुरी मृग दौडेर खेल्ला आँखाको नानीमा
हिमाल हास्छ, पहाड नाच्छ...
यही हिमाल, पहाड, तराईसँग..
दमाहा, झ्याली, ट्याम्को र सनाही मिलेर बजेका
डम्फु र मादल नर्सिङ्घा बज्दै नेपाल भनेका
रतेडी देउडा भाकामा हाली मिलेर नाचौँला
हिमालमुनि स्वर्गको देश रमाउँदै बाचौँला ।
हिमाल हास्छ, पहाड नाच्छ...
यही हिमाल, पहाड, तराईसँग...
