काठमाडौँ, साउन २६ गते । गायक यश कुमारको ‘सुस्तरी सुस्तरी’ बोलको गीत सार्वजनिक भएको छ । यश कुमारको अफिसियल युट्युब च्यानलमार्फत उक्त गीत सार्वजनिक गरिएको हो । गायनमा उहाँलाई अनु चौधरीले साथ दिनुभएको छ ।
यश कुमारको सङ्गीत रहेको गीतमा एसके बच्चाले सङ्गीत संयोजन गर्नुभएको छ । गीतमा सडकमा मकै बेचेर गुजारा गरिरहेकी युवती र नगर प्रहरीबिचको प्रेमसम्बन्धलाई प्रस्तुत गरिएको छ ।
निकेश खड्काले निर्देशन गर्नुभएको म्युजिकल चलचित्र भनिएको गीतको भिडियोमा राजेश घतानी, पन्छी तामाङ र अनिता लामाको पनि अभिनय रहेको छ । उत्तम हुमागाईंको छायाङ्कन रहेको गीतलाई विकास धमलाले सम्पादन गर्नुभएको छ । गीतको कथा यश कुमार आफैँले तयार पार्नुभएको हो ।
