साउदी अरब, साउन १७ गते। गैर आवासीय नेपाली सघं, क्षेत्रीय समन्वय समिति ताबुककौ ९ औं वार्षिकोत्सव सम्पन्न भएको छ। गैर आवासीय नेपाली संघ क्षेत्रीय समन्वय समिति ताबुकको वार्षिकोत्सव सल्लाहकार भक्तबहादुर हमाल र गैर आवासीय नेपाली संघ राष्ट्रिय समन्वय परिषदका उपाध्यक्ष एवम् आरसीसीका सल्लाहकार अर्जुन थापाले केक काटेर वार्षिकोत्सव मनाइएको हो।
सोही अवसरमा नेपाली महावाणिज्यदूतावास जेद्दाबाट श्रम सहचारी तमराज काफ्ले, कर्मचारी जमल बुरहान, दिनेश पण्डित र राजु बास्कोटाबाट सहजीकरणको सेवा प्रदान गरिएको थियो। सो सुविधा लिनका लागि ताबुकलगायत आसपासका क्षेत्रबाट नेपाली पुगेका थिए। महावाणिज्यदूतावास जेद्दाद्वारा जारी पूर्व सूचना अनुसार राहदानी नवीकरण फाराम संकलन एकदिने कार्यक्रम भनिएता पनि सेवाग्राहीको चापलाई मध्यनजर गर्दै दुई दिनसम्म काम भएको थियो।
राहदानी नवीकरणको घुम्ती सेवा सम्पन्न गर्न गैर आवासीय नेपाली संघ क्षेत्रीय समन्वय समिति ताबुकका संस्थापक तथा सल्लाहकार भक्तबहादुर हमाल, गैर आवासीय नेपाली संघ राष्ट्रिय समन्वय परिषद साउदी अरेबियाका उपाध्यक्ष अर्जुन थापा, गैरआवासीय नेपाली संघ क्षेत्रीय समन्वय समिति ताबुकका पदाधिकारी अध्यक्ष नरबहादुर खतिवडा, उपाध्यक्ष श्रीओम थापा, सचिव बुद्धिप्रसाद बास्तोला, कोषाध्यक्ष दीपक कार्की, प्रवक्ता शक्ति भट्ट, सह-कोषाध्यक्ष प्रकाश थापा, युवा संयोजक विक्रम तिमिल्सिना, सदस्य राज कपुर अधिकारी, निलेश घिमिरे, राजेश सेर्पाली, आइ बि गुरुङ, सुमन कार्की, विकाश झा साथै पूर्व उपाध्यक्ष देवीबहादुर कार्की र पूर्व सचिव युवराज पोख्रेलले व्यवस्थित बनाउन समन्वयकारी भूमिका निभाउनुभएको थियो।
