काठमाडौँ, असार ७ गते । गायक प्रकाश सपुतको गीत ‘सकम्बरी’ मा अभिनय गर्नुभएकी कलाकार कुसुम शर्मा अब चलचित्रमा देखिनु हुने भएको छ । उहाँले अभिनेता आर्यन सिग्देलसँग चलचित्र ‘सञ्जीवनी’ मा अभिनय गर्न लाग्नुभएको हो ।
प्रेममा उमेरको छेकबार हुन्छ कि हुँदैन भन्ने विषयमा केन्द्रित रहेको चलचित्रको पोस्टर निर्देशक दिनेश श्रेष्ठले सार्वजनिक गर्नुभएको छ । श्रेष्ठले पाको उमेरको पुरुष र कलिलो उमेरकी युवतीको प्रेमको कथालाई चलचित्रमा उतार्न लागेको बताउनुभयो । आशिर सुवेदीको प्रस्तुतिमा बन्ने चलचित्रमा श्रद्धा क्षेत्री, अर्जुन श्रेष्ठ र अनुसुया श्रेष्ठको पनि अभिनय रहने बताइएको छ ।
