काठमाडौं, जेठ २९ गते । राष्ट्रपति रामचन्द्र पौडेलसमक्ष नेपालका लागि इस्लामिक गणतन्त्र पाकिस्तान र गणतन्त्र कोरियाका नवनियुक्त राजदूतले ओहोदाको प्रमाणपत्र पेश गर्नुभएको छ ।
राष्ट्रपति भवनमा सोमबार आयोजित समारोहमा राष्ट्रपतिसमक्ष नेपालका लागि इस्लामिक गणतन्त्र पाकिस्तानका नवनियुक्त राजदूत अबरर हुसेन हसमी र गणतन्त्र कोरियाका नवनियुक्त आवासीय राजदूत पार्क टियोङ्गले अलग अलग ओहोदाको प्रमाणपत्र पेश गर्नुभयो ।
उक्त समारोहमा परराष्ट्रमन्त्री नारायण प्रकाश साउदलगायत नेपाल सरकारका उच्च पदस्थ अधिकारीहरूसमेतको उपस्थिति थियो।
नवनियुक्त राजदूतद्वयलाई काठमाडौंस्थित होटल रेडिशनदेखि राष्ट्रपति भवनसम्म रिसल्लासहितको बग्गीमा सवार गराइएको थियो।
