प्रवीण कुमार शर्मा
रौतहट, वैशाख १३ गते । रौतहटमा आइतवार पोखरीमा डुबेर एक बालककोे मृत्यु भएको छ ।
दुर्गा भगवती गाउँपालिका–१ गंगापिपरास्थित ब्रह्मस्थान नजिकको पोखरीमा डुबेर एक पाँच वर्षीय बालकको मृत्यु भएको इलाका प्रहरी कार्यालय गंगापिपराले जनाएको छ ।
मृत्यु हुनेमा दुर्गा भगवती –१ गंगापिपराका गौरीशंकर साह कलवारका पाँच वर्षीय छोरा कृष साह रहेको प्रहरीले जनाएको छ ।
इलाका प्रहरी कार्यालय गंगापिपराका अनुसार साँझ करिब ६ बजेतिर नुहाउन गएका कृष पोखरीमा डुबेर बेपत्ता भएका थिए । बालक बेपत्ता भएपछि स्थानीयवासी, नेपाल प्रहरी र सशस्त्र प्रहरीको संयुक्त टोलीले तत्काल खोजी कार्य सुरु गरेको थियो ।
करिब ४५ मिनेटको निरन्तर खोजीपछि कृषलाई पोखरीबाट उद्धार गरिएको दुर्गा भगवती गाउँपालिका वडा १ का वडा अध्यक्ष प्रद्युमन चौधरीले जानकारी दिनुभयो । उद्धारपश्चात् कृषलाई उपचारका लागि स्थानीय अस्पतालमा लगीए पनि चिकित्सकले मृत घोषणा गरेको उहाँले बताउनुभयो।
बालकको शव पोस्टमार्टमका लागि प्रादेशिक अस्पताल गौर पठाइएको प्रहरीले जनाएको छ ।
-square-thumb.jpg)
-original-thumb.jpg)
