काठमाडौं, वैशाख २३ गते । स्पेनिस कोपा डेल रे फुटबलको उपाधि रियल म्याड्रिडले जितेको छ । शनिबार राति भएको खेलमा रियलले ओसासुनालाई २–१ गोलले हराउँदै उपाधि जितेको हो ।
रियलले नौ वर्षपछि यस उपाधि जितेको हो । समग्रमा २०औं पटक च्याम्पियन बनेको रियल यसअघि सन् २०१४ मा च्याम्पियन बनेको थियो । रियलको जितमा दुवै गोल रोड्रिगोले गर्नुभयो ।
ओसासुनाका लुकास टोरोले सान्त्वना गोल फर्काउनुभयो । रोड्रिगोले १०६ सेकेन्ड र ७०औं मिनेटमा गोल गर्नुभयो । लुकासले ५८औं मिनेटमा गरेको गोल सान्त्वना बन्यो । एजेन्सी
