नेपालगञ्ज समाचारदाता
नेपालगञ्ज, वैशाख १३ गते । नेपालगञ्जका कलाकार एवं निर्देशक नवराज सुवेदीले निर्देशन गरेको गीत ‘सजनी मोर’ सार्वजनिक भएको छ । थारू समुदायमा हुर्केका युवकयुवतीको मायाप्रेममा आधारित गीतले पश्चिम नेपालमा निकै चर्चा पाएको छ ।
कुमार चौधरीको शब्दलाई सङ्गीत चौधरी र अनु चौधरीले स्वर दिनुभएको छ भने गणेश चौधरीले संयोजन गर्नुभएको छ । भिडियोमा निर्देशक सुवेदीले बाँके, बर्दियाका विभिन्न सुन्दर दृश्यलाई समेट्नु भएको छ । भिडियो छायाङ्कन दिनेश क्षेत्रीले गर्नुभएको छ । म्युजिक भिडियोले कमाएको चर्चाबाट उत्साहित हुनुभएका निर्देशक सुवेदीले भन्नुभयो, “सकेसम्म स्थानीय भाषा, सङ्गीत र कलाकारलाई समेट्दै उनीहरूको कला संस्कृतिलाई प्रवद्र्धन गर्ने मेरो उद्देश्य हो । त्योअनुसारको सफलता मिलेको पनि छ ।”
