काठमाडौं, चैत ३० गते । सनम कुमार वैरागको निर्देशनमा बनेको फिल्म ’कैदीको पत्र’ को ट्रेलर सार्वजनिक भएको छ। बुधबार ओएसआर डिजिटल युट्युब च्यानलमार्फत फिल्मको ट्रेलर सार्वजनिक गरिएको हो।
प्रेम कथामा आधारित फिल्मले जीवनका उतारचढाव र कठिनाइलाई चित्रण गरिएको छ । यस्तै, फिल्म ईश्वर मानन्धरले लेख्नुभएको हो भने कथा 'कैदीको पत्र' मा आधारित छ ।
फिल्ममा कुनाल विश्व, ब्रिटिस अभिनेत्री म्याडिसन लाजारस, सलिना थापा मगर, पृथ्वीराज खत्री, सुवर्ण थापा, मनिष श्रेष्ठ, सुस्मिता थापा, क्यारी डोड्स, किरण कार्की, चरण प्रधान, विजेता श्रेष्ठ, फौस्तास तलग्का, लारेनवेस्टबरी, तपस्या शिवाकोटीलगायत कलाकारको अभिनय छ।
दिल घले, नानी वैराग, कैलाश विश्वकर्मा र हिराल जोशी फिल्मको निर्माता हुनुहुन्छ । रामेश्वर कार्कीले छायाङ्कन गर्नुभएको फिल्मलाई अर्जुन जिसीले सम्पादन गर्नुभएको हो ।
फिल्म वैशाख १५ गतेदेखि प्रदर्शन हुनेछ ।
