सन्तोष सुवेदी
कास्की, चैत २३ गते। पोखरामा बिहीबार चलचित्र ‘बहाव’ को रेडकार्पेट प्रिमियर सो हुने भएको छ। सभागृहस्थित मिडटाउन सिनेमाजमा साँझ ६ बजे ‘बहाव’ को रेडकार्पेट प्रिमियर सो हुन लागेको हो।
शुक्रबारबाट नेपालभर रिलिज हुन लागेको फिल्म ‘बहाव’ को रेडकार्पेट सो मा कलाकार सुरक्षा पन्त, कमलमणि नेपाल, निर्देशक प्रमोद कँडेल र निर्माता श्रीधर पौडेल आउनुहुनेछ।
रेडकार्पेट साेको आयोजना प्रचार र स्पेक्स फोर्टीनले गरेको हो। सह-आयोजना चलचित्र पत्रकार सङ्घ कास्कीको रहेको छ। पोखरामा हुने रेडकार्पेट सो को सम्पूर्ण तयारी पूरा भएको प्रचारका सञ्चालक आशिष् पुरीले जानकारी दिनुभयो।
काठमाडौंको प्रिमियर सोपछि पोखरामा बहावको पहिलो पटक रेडकार्पेट सो गर्न लागेको स्पेक्स फोर्टीनका सञ्चालक महेश्वरसिंह भण्डारीले जानकारी दिनुभयो।
