काठमाडौं, चैत १७ गते । वैशाख १ गतेबाट प्रदर्शनमा आउन लागेको फिल्म ‘बुलाकी’को ट्रेलर सार्वजनिक गरिएको छ । तीन मिनेट १० सेकेन्ड लामो ट्रेलरमा कर्णालीको ग्रामीण जीवन, रीतिरिवाज, जारी प्रथा तथा परिवार र सम्बन्धमा आउने उतारचढावलाई प्रस्तुत गरिएको छ ।
लक्ष्मण सुनारको निर्देशनमा बनेको फिल्मलाई टोपेन्द्र विष्टले निर्माण गर्नुभएको हो । फिल्ममा सुरक्षाको साथमा अभिनेता नरेन खड्का र बिराज विष्ट शीर्ष भूमिकामा हुनुहुन्छ।
यस्तै, फिल्ममा रमेश बुढाथोकी, लक्ष्मी गिरी, कुलदीप अधिकारी, सुशील पोखरेल, झलनाथ खत्री, धनबहादर राई, लक्ष्मण देवकोटा, वसन्त उदास, सोनु सेढाइकाकोसमेत अभिनय छ ।
छत्रेश्वरी म्यानेजमेन्टको ब्यानरमा स्व.मोती विष्टकाे प्रस्तुति रहेको फिल्म शिव ढकालले खिच्नुभएको हो । अर्जुन जिसीको सम्पादन रहेको फिल्म डोल्पा, जाजरकोट र रुकुम पश्चिमका विकट ठाउँमा खिचिएको छ ।
